«Lesson Study тәсілін қолдану арқылы оқу үдерісін жетілдіру» тақырыбында семинар болып өтті
«Lesson Study тәсілін қолдану арқылы оқу үдерісін жетілдіру» тақырыбында семинар болып өтті.
Мақсаты: Жаңартылған мазмұн бойынша оқу-әдістемелік кешенді апробациялау іс-тәжірибесі. Семинарға қала мектептерінен 98 мұғалім қатысып, пилоттық мектептің іс-тәжірибесімен танысты. 2015/2016 оқу жылында қабылданған бірінші сыныптарының тоғызы қазақ, екеуі орыс тілінде білім алуда.
Бірінші сыныптардың бесеуі - «Назарбаев Зияткерлік мектебі», үшеуі –«Атамұра», үшеуі «Алматы кітап» баспалары бойынша оқулықтарды апробациядан өткізуде. Мұғалімдер осы баспалар бойынша оқу-әдістемелік кешенмен толық қамтамасыз етілген. Семинар барысында « Бастауыш білім берудің жаңартылған мазмұндағы оқу-әдістемелік кешенді апробациялау» тақырыбында директордың м.а. Х.И.Адамова баяндама жасап, пилоттық мектептегі істелген жұмыстар туралы толық мәлімет берді. Назарбаев Зияткерлік мектебінің оқу бөлімінің әдіскері Д.М.Турарбеков «Lesson Study: қолдану тәсілдері» тақырыбында семинардың практикалық бөліміне теориялық толық мәлімет берді. Ы.Алтынсарин атындағы Ұлттық Білім Академиясының аға ғылыми қызметкерлерлері: Г.Ж.Сейсенгалиева, Б.М.Жумабекова, С.К.Исмагулова, М.Ж.Жусупов және 12 жылдық білім беру жүйесін қолдау және ағылшын тілі орталығы директорының оқу-әдістемелік ісі жөніндегі орынбасары Н.К. Әзімбай семинарға қатысқан мұғалімдермен білім берудің жаңартылған мазмұны бойынша пікір алмасты. Семинардың тәжірибелік бөлімінде қатысушылар 5 топқа бөлініп, пилоттық сыныптардағы Lesson Study - зерделеу сабағына қатысып, хронологиялық, отырғызу, транскрипция тәсілдерін тәжірибеде қолдануға мүмкіндік алды.
