«Отан деп соққан жүрегі, Елбасы - елдің тірегі» атты ашық тәрбие сағаты

    Астана қаласы №69 мектеп-гимназиясының 3 «Ә» сыныбында 2016 жылдың   2-желтоқсанында 1 желтоқсан - Президент күніне арналған ашық тәрбие сағаты өтті. Тәрбие сағатының тақырыбы: «Отан деп соққан жүрегі, Елбасы - елдің тірегі». Тәрбие сағатының мақсаты: оқушыларды 1-желтоқсан Қазақстан Республикасының Тұңғыш Президенті күніне назар аударту, отансүйгіштікке тәрбиелеу; Қазақ халқының тұңғыш президенті Нұрсұлтан Әбішұлы Назарбаевтың өмірбаянымен, еңбек жолымен, шығармаларымен таныстыру; Қазақстанның Тәуелсіздік алған 25 жыл ішінде Елбасының атқарған еңбектері туралы мағлұмат беру; Елбасыға деген сүйіспеншілік сезімін ұялату;өскелең ұрпаққа патриоттық тәрбие беру. Бұл ашық тәрбие сағатын бастауыш сынып мұғалімі  Доспанова Жазира Алимжановна жоғары дәрежеде өткізді. Оқушылар сабақта белсенділік танытып, Елбасының нақыл сөздерін жатқа айтты. «Бәйтерек» монументінің шығу тарихын баяндап, әнұран орындады.

23.12