Театр тарланымен тағылымды кездесу
Бүгін мектебіміздің мәжіліс залында Астана жастар театрының негізін қалаушы, кино және Жастар театрының әртісі Дәурен Серғазинмен кездесу өтті. Кеш жүргізушісі – мектебіміздің түлегі, қазіргі уақытта тәжіребеден өтіп жүрген Әлбосын Таңнұр.
Әңгіме барысында Дәурен Серғазин театр және кино әлеміндегі алғашқы туындылары – «Қозы Көрпеш-Баян Сұлу» қойылымы және «Алдар Көсе» мен «Жау жүрек мың бала» фильмдерінде сомдаған рөлдері туралы айтып өтті. Кездесу барысында кеш қонағының қатысуымен қызықты ойын ойнатылып, театр майталманы жастардың көкейлерінде жүрген сауалдарына жауап беріп, өзінің өнерге қалай келгені турасында, ұлтжанды азамат ретінде толғандырып жүрген мәселелер жайында әңгімеледі.
Кездесу соңында мектебіміздің директоры Құсни Қияшқызы театр саңлағына қызықты сұхбаты үшін ризашылығын білдіріп алғыс хат табыс етсе,оқушылар өз өнерлерін көрсетті.
