«Спорт-қозғалыс, қозғалыс-өмір»
«Тәні саудың-жаны сау» демекші, салауатты өмір салтын қалыптастыруда мектебімізде көптеген іргелі істер қолға алынып, нақты жұмыстар атқарылып жатыр. 2019 жылдың 30-қараша күні мектебімізде дене шынықтыру пәні мұғалімдерінің ұйымдастыруымен мұғалімдер арасында волейбол сайысы өтті. Бұл сайыстың басты мақсаты мектептегі мұғалімдер арасындағы қарым-қатынасты нығайтып, үздік ұжымды анықтау және де оларды салауатты өмір салтына бейімдеу болып табылады. Сайысқа барша ұстаздар қауымы әр әдістемелік бірлестіктер бойынша түгелдей белсенді қатысты. Алдағы уақытта осындай спорттық іс-шаралар жиі өткізіліп тұрса, тек мұғалімдер ғана емес, ата-аналар мен оқушыларды да қатыстырса, олардың спортқа деген қызығушылығын оятуға септігін тигізер еді және бұл үштік одақ бірге жұмыс жасайтын болса, мектеп пен ата-ана арасында ынтымақ, береке, бірлік нығая түсер еді. 
